ՀՀ ԲՆԱՊԱՀՊԱՆՈՒԹԵԱՆ ՆԱԽԱՐԱՐՈՒԹԵԱՆ ԵՎ ԳԲՊՄ-Ի ՄԻՋԵՒ ԿՆՔՈՒԵՑ
ՀԱՄԱԳՈՐԾԱԿՑՈՒԹԵԱՆ ՀԱՄԱՁԱՅՆԱԳԻՐ
06-03-2007 20:00:00 | Հայաստան | Հասարակութիւն
ԵՐԵՎԱՆ, 6 ՄԱՐՏԻ, ՆՈՅԵԱՆ ՏԱՊԱՆ: ՀՀ բնապահպանութեան նախարար
Վարդան Այվազեանը եւ Գերմանիայի բնութեան պահպանութեան միութեան
(ԳԲՊՄ) ղեկավար Լեյֆ Միլլերը մարտի 6-ին ստորագրեցին
համագործակցութեան համաձայնագիր: Ինչպէս նշեց Վ.Այվազեանը, ԳԲՊՄ-ի
կողմից համագործակցութեան զարգացման հանդէպ պատասխանատւութիւնը
կխթանի Հայաստանի շրջակայ միջավայրի պահպանութեան ոլորտում
հայ-գերմանական համագործակցութեան նոր փուլը: Ըստ նրա, այսօր
օրակարգում են հայկական մուֆլոնի պահպանութեան, որսագողության դէմ
պայքարի կազմակերպման, էկոտուրիզմի զարգացման, Արարատեան
դաշտավայրի ջրա-ճահճային տարածքների պահպանութեան բնապահպանական
խնդիրները:
ԳԲՊՄ-ի ղեկավար Լեյֆ Միլլերը նշեց, որ 26 հազար եւրօ
կյատկացուի հայկական մուֆլոնի պահպանութեան ծրագրի իրականացման, իսկ
15 հազար եւրօ` Արարատեան դաշտավայրի ջրա-ճահճային տարածքների
պահպանութեան համար:
ՀՀ-ում Գերմանիայի Դաշնութեան արտակարգ եւ լիազօր դեսպան
Հայկե Ռենատե Փայչի խօսքերով, բնապահպանական խնդիրները սահմաններ
չեն ճանաչում, եւ դրանք հնարաւոր է արդիւնաւէտ լուծել միայն
հարեւան երկների հետ համատեղ: «Սա այն ոլորտն է, որտեղ կարող է
լինել արդիւնաւէտ համագործակցութիւն Հայաստանի եւ հարեւան
երկրների` Վրաստանի եւ Ադրբեջանի, միջեւ»,- ասաց դեսպանը:
Նշուեց նաեւ, որ 2008թ.-ին Գերմանիայում անցկացուելու է ՄԱԿ-ի
կենսաբազմազանութեան կոնվենցիային նուիրուած գագաթաժողով, որին
մասնակցելուն պատրաստուելու հարցում նախարարութեան աշխատակիցներին
կաջակցի ԳԲՊՄ-ն: