ՀՀ ԱԺ-Ն ՓԵՏՐՈՒԱՐԻ 22-ի ՆԻՍՏՈՒՄ ԸՆԴՈՒՆԵՑ 15 ՕՐԻՆԱԳԾԵՐ ԵՎ
ՕՐԵՆՍԴՐԱԿԱՆ ՓԱԹԵԹՆԵՐ
22-02-2007 17:35:00 | Հայաստան | Հասարակութիւն
ԵՐԵՎԱՆ, 22 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Փետրուարի 22-ի արտահերթ
նիստում ՀՀ Ազգային Ժողովն ընդունեց նախօրէին քննարկած 15
օրինագծերն ու օրենսդրական փաթեթները, որոնց մի մասով գործող
օրենսդրութիւնը համապատասխանեցւում է սահմանադրական
փոփոխություններին:
3-րդ ընթերցմամբ եւ ամբողջութեամբ ընդունվեցին «ՀՀ եւ
Հայաստանեայց Առաքելական Սուրբ եկեղեցու յարաբերութիւնների
մասին», «Դատախազութեան մասին», «ՀՀ միջազգային պայմանագրերի
մասին», «Մեղրի-Քաջարան գազատարի շինարարութեան աշխատանքների
նկատմամբ հարկային արտօնութիւնների սահմանման մասին», «ՀՀ Դատական
օրէնսգիրքն ուժի մէջ մտնելու մասին», «Աւիացիայի մասին»
օրինագծերը:
2-րդ ընթերցմամբ եւ ամբողջութեամբ ընդունուեց «Սոցիալական
ապահովութեան քարթերի մասին» օրէնքում եւ դրանից բխող մի շարք
օրէնքներում փոփոխութիւններ եւ լրացումներ կատարելու մասին
օրինագծերի փաթեթը: Վերջինիս ընդունումը պայմանաւորուած էր
սոցիալական քարտերի կիրառումն ապահովող օրէնքները Սահմանադրական
դատարանի 2006թ.-ի հոկտեմբերի 4-ի որոշմանը համապատասխանեցնելու
անհրաժեշտութեամբ: Նախատեսւում է սոցիալական քարտերի համակարգի
բնականոն գործունէութիւնն ապահովելու նպատակով հնարաւորութիւն
տալ սոցիալական քարտից հրաժարուողներին` իրենց իրաւունքներն
իրականացնելիս, սոցիալական քարտի փոխարէն ներկայացնել տեղեկանք
քարտ չունենալու մասին :