ՍԻՄՖԵՐՈՊՈԼ, 12 ՅՈՒՆՎԱՐԻ, ՆՈՅԵԱՆ ՏԱՊԱՆ - ՀԱՅԵՐՆ ԱՅՍՕՐ:
«Ղրիմի գեղեցկուհի - 2009» մրցոյթի յաղթող Քրիստինա Ջաւադեանը
ծնուել է Երեւանում 1991 թուականին եւ ընտանիքի հետ Ուկրաինա է
տեղափոխուել երկու տարեկան հասակում: Այս մասին, ինչպէս գրում է
«Երկրամասը», նա պատմել է Ararat-online.ru պորտալի ճեպազրույցի
ժամանակ, նկատելով, որ Հայրենիքում դրանից յետոյ չի եղել, թէեւ մեծ
ցանկութիւն ունի տեսնելու Հայաստանը:
Ըստ Քրիստինայի, որը սովորում է տնտեսագիտական ֆակլուտետում,
նա մասնակցում է նաեւ Ղրիմի Հայ երիտասարդական կոմիտէի
գործունէութեանը եւ զբաղւում հայկական պարերով, սակայն գրական
հայերէնին չի տիրապետում: Մրցոյթին նա մասնակցել է սեփական
նախաձեռնութեամբ: «Ուզում էի փորձել ինչ-որ նոր բան եւ դրսեւորել
ինձ նորովի: Եվ դա ստացուեց»,- ասում է «Ղրիմի գեղեցկուհի-2009»-ը: