ՍԻՄՖԵՐՈՊՈԼ, 12 ՀՈՒՆՎԱՐԻ, ՆՈՅՅԱՆ ՏԱՊԱՆ - ՀԱՅԵՐՆ ԱՅՍՕՐ:
«Ղրիմի գեղեցկուհի - 2009» մրցույթի հաղթող Քրիստինա Ջավադյանը
ծնվել է Երեւանում 1991 թվականին եւ ընտանիքի հետ Ուկրաինա է
տեղափոխվել երկու տարեկան հասակում: Այս մասին, ինչպես գրում է
«Երկրամասը», նա պատմել է Ararat-online.ru պորտալի ճեպազրույցի
ժամանակ, նկատելով, որ Հայրենիքում դրանից հետո չի եղել, թեեւ մեծ
ցանկություն ունի տեսնելու Հայաստանը:
Ըստ Քրիստինայի, որը սովորում է տնտեսագիտական ֆակլուտետում,
նա մասնակցում է նաեւ Ղրիմի Հայ երիտասարդական կոմիտեի
գործունեությանը եւ զբաղվում հայկական պարերով, սակայն գրական
հայերենին չի տիրապետում: Մրցույթին նա մասնակցել է սեփական
նախաձեռնությամբ: «Ուզում էի փորձել ինչ-որ նոր բան եւ դրսեւորել
ինձ նորովի: Եվ դա ստացվեց»,- ասում է «Ղրիմի գեղեցկուհի-2009»-ը: