Երեւանում կանցկացուի Հայաստանի երիտասարդական ակումբների եւ
կենտրոնների համաժողովը
20-11-2009 18:28:00 | Հայաստան | Հասարակութիւն
ԵՐԵՎԱՆ, 20 ՆՈՅԵՄԲԵՐԻ, ՆՈՅԵԱՆ ՏԱՊԱՆ: Նոյեմբերի 21-22-ին
Երեւանում կանցկացուի Հայաստանի երիտասարդական ակումբների եւ
կենտրոնների համաժողովը: Այն կազմակերպել է Երիտասարդական
ակումբների դաշնութիւնը (ԵԱԴ)` ՀՀ Սպորտի եւ երիտասարդության
հարցերի նախարարութեան աջակցութեամբ:
Ինչպէս նշւում է ԵԱԴ-ի հաղորդագրութիւնում, ներկայումս
Հայաստանում գործող երիտասարդական կենտրոնների ու ակումբների թիւն
անցնում է 150-ից: Սակայն ստեղծուել է մի իրավիճակ, երբ նրանք
գործում են կողք-կողքի, բայց միմեանց գործունէութեան մասին
տեղեկացված չեն: Նշւում է նաեւ, որ հանրապետութիւնում մշակուած չէ
երիտասարդական ակումբային շարժման զարգացման հայեցակարգ, չկան
երիտասարդական ակումբի կամ կենտրոնի գործունէութեան սկզբունքների
վերաբերեալ ընդհանուր մօտեցումներ եւ չափանիշներ: Եվ համաժողովի
հիմնական նպատակն է Հայաստանում երիտասարդական ակումբային շարժման
կազմակերպումը եւ զարգացումը: