ԵՐԵՎԱՆ, 18 ՆՈՅԵՄԲԵՐԻ, ՆՈՅԵԱՆ ՏԱՊԱՆ: Նոյեմբերի 18-ին Երեւանում տեղի ունեցաւ անուանի կոմպոզիտոր, «Սբ. Մեսրոպ Մաշտոց»-ի շքանշանակիր, Հայաստանի ժողովրդական արտիստ Ռոբերտ Ամիրխանեանի 70-ամեայ յոբելեանին նուիրուած համերգը, որին ներկայ էր ՀՀ նախագահ Սերժ Սարգսեանը տիկնոջ հետ: Համերգը, որին մասնակցում էին երկրի յայտնի երգիչ-երգչուհիներ եւ երաժշտական խմբեր, կազմակերպուել էր Մշակոյթի նախարարութեան, Հայաստանի Կոմպոզիտորների եւ Երաժշտագետների միութիւների կողմից: Ռ.Ամիրխանեանի խոսմքերով, իր ստեղծագործութիւնը արժեւորւում է ոչ թէ տարիներով, այլ հեղինակած երգերով, որոնք իրենց արտացոլումն են գտել հայի աչքերում («ՆՏ». «Հայի աչքեր» է կոչւում Ռ.Ամիրխանեանի յայտնի երգերից մէկը):

---