ԵՐԵՎԱՆ, 1 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Հոկտեմբերի 1-ը
տարեցների միջազգային օրն է, որը արդէն 16-րդ տարին է, ինչ նշւում
է նաեւ Հայաստանում: Այսօր հանրապետութիւնում գործող
տուն-ինտերնատներում անցկացուել են տօնական միջոցառումներ: Ինչպէս
«ՆՈՅԵԱՆ ՏԱՊԱՆ»-ի թղթակցին յայտնեց ՀՀ Աշխատանքի եւ սոցիալական
հարցերի նախարարութեան Հաշմանդամների եւ տարեցների հիմնահարցերի
վարչութեան պետի տեղակալ Անահիտ Գեւորգեանը, հանրապետութիւնում
գործում են 3 ոչ պետական եւ 4 պետական տուն-ինտերնատներ, որտեղ
ընդհանուր առմամբ ապրում են 1100 տարեցներ:
Ըստ նրա, Հայաստանը դասւում է ծերացող երկրների շարքին, քանի
որ հանրապետութեան բնակչութեան մօտ 13%-ը կամ մօտ 420 հազարը
տարեցներ են` նրանց տարիքը 65-ից բարձր է:
Հանրապետութիւնում բնակուող տարեցների ընդհանուր թուի շուրջ 10%-ը
կամ 40 հազարը միայնակ են:
Ա.Գեւորգեանը նշեց նաեւ, որ Հայաստանում ապրում է 100 եւ
աւելի բարձր տարիք ունեցող 135 մարդ: Նրանցից ամենատարեցը`
Արարատում ապրող Օլգա Բարսեղեանը, 116 տարեկան է: