ԱՌԱՋԻԿԱՅ ՕՐԵՐԻՆ ԿՍՏՈՐԱԳՐՈՒԻ «ԿՈՆՎԵՐՍԲԱՆԿ»-Ի ՎԱՃԱՌՔԻ
ՊԱՅՄԱՆԱԳԻՐԸ
26-01-2007 16:36:00 | Հայաստան | Տնտեսութիւն
ԵՐԵՎԱՆ, 26 ՅՈՒՆՎԱՐԻ, ՆՈՅԵԱՆ ՏԱՊԱՆ: Հայկական «Կոնվերսբանկ»-ի
գնման պայամանգիրը կստորագրուի առաջիկայ օրերին: Այդ նպատակով
յունվարի 26-ին Երեւան է ժամանել արգենտինահայ գործարար, «American
International Airports» ընկերութեան նախագահ Էդուարդո Էռնեկյանը,
որն էլ պատրաստւում է դառնալ բանկի սեփականատերը: Այս մասին
«ՆՈՅԵԱՆ ՏԱՊԱՆ»-ի թղթակցին յայտնի դարձաւ հաւաստի աղբիւրից:
«Կոնվերսբանկ»-ի տնօրէն Արտակ Հանեսյանը «ՆՈՅԵԱՆ ՏԱՊԱՆ»-ի
թղթակցին յայտնեց, որ բանակցություններրը սկսուել են անցած տարուայ
նոյեմբերից եւ «յաջորդ շաբաթ պարզ կլինի` կվաճառուի, թէ ոչ»:
Նշենք, որ «Կոնվերսբանկ»-ը ստեղծուել է 1993թ.-ին: Ներկայումս
բանկի կանոնադրական կապիտալի 85%-ը ոչ ռեզիդենտ բաժնետէրերի
փայամասնակցությունն է. բանկի 48,7%-ի բաժնետէրը «HUNSOTRADE
LDT»-ն է` Եմադ Մտանյուս Խուրիի ղեկավարութեամբ, 36,3%-ինը`
Մոդալալ Մտանյուս Խուրինը, 15%-ինը` Սմբատ Նասիբեանը: Վերջինս
բանկի նախկին տնօրենն է:
«Կոնվերսբանկ»-ը 1998թ.-ին դարձել է «Արցախ բանկ» եւ
«Հայինկասացիա» ընկերութիւնների բաժնետէրը: Անցած տարի բանկի
ընդհանուր կապիտալը աճել է 6,5%-ով եւ կազմել 26,4 մլն դոլար:
2006թ.-ին բանկի զուտ շահոյթը կազմել է 3,9 մլն դոլար, իսկ
ակտիւները կրճատուել են 15%-ով եւ այս տարուայ յունվարի 1-ի դրութեամբ
կազմել 97,8 մլն դոլար: Բանկի կանոնադրական կապիտալը` 3,5 մլն
դոլար, փոփոխութիւնների չի ենթարկուել: