ՀԱՅԱԶԳԻ ԲՌՆՑՔԱՄԱՐՏԻԿ ԱՐԹՈՒՐ ԱԲՐԱՀԱՄԸ ՆՈԿԱՈՒՏՈՎ ՅԱՂԹԵՑ
ՄԵՔՍԻԿԱՑԻ ՌԱՈՒԼ ՄԱՐԿԵՍԻՆ
10-11-2008 20:12:00 | Հայաստան | Սպորտ
ԵՐԵՎԱՆ, 10 ՆՈՅԵՄԲԵՐԻ, ՆՈՅԵԱՆ ՏԱՊԱՆ: Նոյեմբերի 8-ին
Գերմանիայի Բամբերգ քաղաքում բռնցքամարտի IBF վարկածով միջին
քաշային կարգում աշխարհի ներկայիս չեմպիոն Արթուր Աբրահամը
պահպանեց իր չեմպիոնական տիտղոսը: Մրցամարտի վեցերորդ ռաունդում
Գերմանիան ներկայացնող հայազգի բռնցքամարտիկը նոկաուտով յաղթեց
ԱՄՆ-ը ներկայացնող մեքսիկացի Ռաուլ Մարկեսին: Այսպիսով, Ա.Աբրահամը
կարողացաւ ութերորդ անգամ անընդմէջ պաշտպանել IBF վարկածով
չեմպիոնի տիտղոսը:
Այս մրցամարտից յետոյ Ա.Աբրահամի անձնական հաշուին գրանցուեց
28-րդ անընդմէջ յաղթանակը, որոնցից 22-ը աւարտուել է նոկաուտով: Այս
յաղթանակից յետոյ Ա.Աբրահամը մարտի է հրաւիրել WBA վարկածով միջին
քաշային կարգում աշխարհի չեմպիոն Ֆելիքս Ստրամին: