ԵՐԵՎԱՆ, 27 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: 2007թ.-ին «Հայաստան ծառատունկ ծրագիր» (ՀԾԾ) բարեգործական հիմնադրամը ՄԱԿ-ի Բնապահպանական ծրագրի (ՄԱԲԾ) համաշխարհային «Մէկ միլիարդ ծառ» քարոզարշավի շրջանակներում գերազանցել է իր պարտաւորուածութիւնը` տնկելով աւելի քան 550 հազար ծառ Հայաստանի 174 վայրերում: Ինչպէս «ՆՈՅԵԱՆ ՏԱՊԱՆ»-ին յայտնեցին ՀԾԾ-ի գրասենեակից, 2004թ.-ից մինչեւ 2007թ.-ը գիւղերի եւ լեռնային համայնքների զարգացման ծրագրի շրջանակներում աւելի քան 1 մլն ծառ է տնկվել Հայաստանի հիւսիսային շրջանների անտառազուրկ վայրերում, մասնաւորապէս, Գեղարքունիքի մարզի Այգուտի, Ձորավանքի, Դպրաբակի, ինչպէս նաեւ Լոռու մարզի Ֆիոլետովոյի, Ալավերդու եւ Սպիտակի հողատարածքներում: Ֆիոլետովո գիւղի տարածքում հիմնադրամի նախաձեռնութեամբ ստեղծուել է նաեւ Հրանտ Դինքի անուան անտառ, որի հանդիսաւոր բացումը նախատեսւում է 2008 թ.-ին: 1994թ.-ից ի վեր «Հայաստան ծառատունկ ծրագիր» կազմակերպութեան ջանքերով հանրապետութիւնում ընդհանուր առմամբ տնկվել է աւելի քան 2 մլն ծառ: Տնկիների վերարտադրութեան ու անտառատնկման աշխատանքների մէջ ներգրաւել են սոցիալապէս անապահով բնակիչները:

---