ՈՒՈՐԵՆ ՔՐԻՍՏՈՖԵՐԸ ԺԱՄԱՆԵԼ Է ԻՍՐԱՅԵԼ` ՍԻՐԻԱՅԻ ՀԱՐՑՈՎ
«ՎՃՌԱԿԱՆ» ԲԱՆԱԿՑՈՒԹՅՈՒՆՆԵՐԻ ՀԱՄԱՐ
10-01-1996 17:55:00 | Հայաստան | Միջազգային
Հունվ. 10 (ՆՏ - DPA) Չորեքշաբթի օրը ԱՄՆ-Ի պետքարտուղար
ՈՒորեն Քրիստոֆերը ժամանել է Իսրայել, որը Կենտրոնական Արեւելքի
երկրներ նրա կատարելիք մաքոքային առաքելության առաջին երկիրն է:
Իսրայելի պաշտոնյաների բնորոշմամբ դա «վճռական» դեր կկատարի
Սիրիայի հետ խաղարար բանակցությունների վարման գործում:
Քրիստոֆերը մեկնել է տարածաշրջան` օգտագործելու այն
առաջընթացը, որը ձեռք էր բերվել Իսրայելի, Սիրիայի եւ ԱՄՆ-ի
դիվանագետների 6-օրյա բանակցությունների ընթացքում, որը տեղի է
ունեցել Մերիլենդ նահանգում, Վաշինգտոնից 100 կմ հեռավորության վրա
գտնվող մի վայրում: Հաղորդվել է, որ իսրայելա-սիրիական ուղղակի
բանակցությունները կվերսկսվեն ԱՄՆ-ում ամսվա վերջին եւ այս անգամ
հասատապես կորոշվեն այս երկու երկրների միջեւ սահմանները:
Իր ժամանումից հետո Քրիստոֆերը մեկնել է Երուսաղեմ` Պերեսի
հետ հանդիպելու համար: Այս երկուսը այնուհետեւ ուղղաթիռով կմեկնեն
Գալիլյան ծովի ափին գտնվող Տիբերիաս քաղաքը` Հորդանանի թագավոր
Հուսեյնի հետ հանդիպելու համար, որի ընթացքում կքննարկվեն
իսրայելա-հորդանանյան հարաբերությունների մի քանի
հարցեր, ներառյալ նաեւ ջրի հետ կապված խնդիրներ:
Հուսյն թագավորի` Իսրայել կատարվելիք այս առաջին պաշտոնական
այցին նախորդել են անվտանգության աննախադեպ միջոցառումներ: