Բակո Սահակյանը հանդիպում է ունեցել ԱԺ «Դաշնակցություն» խմբակցության անդամների հետ
02-03-2011 17:30:15 | Հայաստան | Քաղաքական
Արցախի Հանրապետության նախագահ Բակո Սահակյանը մարտի 2-ին հանդիպում է ունեցել Ազգային ժողովի «Դաշնակցություն» խմբակցության անդամների հետ:
Հանդիպման ընթացքում արծարծվել է հանրապետության կենսագործունեության տարբեր ոլորտներին վերաբերող հարցերի լայն շրջանակ:
Երկրի ղեկավարը կարեւորել է խորհրդարանում ընդգրկված քաղաքական ուժերի դերը այդ հարցերի լուծման գործում եւ ընդգծել նրանց միջեւ համագործակցության խորացման անհրաժեշտությունը: Նախագահը ներկաների ուշադրությունը հրավիրել է նաեւ բանակ-հասարակություն կապերի ընդլայնման վրա:
Բ.Սահակյանը նշել է, որ նման ձեւաչափով քաղաքական խորհրդակցությունները կկրեն պարբերական բնույթ:
ԱՐՑԱԽԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ ԱՇԽԱՏԱԿԱԶՄԻ ՏԵՂԵԿԱՏՎՈՒԹՅԱՆ ԳԼԽԱՎՈՐ ՎԱՐՉՈՒԹՅՈՒՆ