Մարտի 16-ին ՀՀ դեսպանության աջակցությամբ՝ Մոնրեալի ՄքԳիլ համալսարանի ՄքԿորդ թանգարանի թատրոնում մեկնարկեց «Ժխտում» (State of Denial) պիեսի պրեմիերան, որը ցուցադրվելու է մինչեւ 2012թ. ապրիլի 1-ը, շաբաթը հինգ օր:
Պիեսի հեղինակն է Ռաուլ Վարման: Ներկայացումը պատմում է Ցեղասպանությունից հետո Թուրքիայում առ այսօր բնակվող հայերի՝ ինքնության համար պայքարի մասին:
Ինչպես «ՆՏ»-ին հայտնեցին ՀՀ ԱԳՆ մամուլի, տեղեկատվության եւ հասարակայնության հետ կապի վարչությունից, բեմադրությանը ներկա էր ՀՀ դեսպան Արմեն Եգանյանը, որը ողջույնի խոսքով դիմեց հանդիսատեսին, ինչպես նաեւ իր խորին երախտագիտությունը հայտնեց բեմադրության կազմակերպիչներին: