Րաֆֆի Հովհաննիսյանն ընդունեց Շվեդիայից ժամանած պատվիրակությանը
«Ժառանգության» նախընտրական շտաբից տեղեկացնում են, որ մարտի 28-ի երեկոյան «Ժառանգության» առաջնորդ Րաֆֆի Հովհաննիսյանն ընդունեց Շվեդիայից ժամանած պատվիրակությանը, որը գլխավորում էր այդ երկրի Արտաքին գործերի նախարարության քաղաքական հարցերի վարչության պետ Բյորն Լիրվալը (Björn Lyrvall): Պատվիրակության կազմում էր նաեւ Շվեդիայի արտգործնախարարության Արեւելյան Եվրոպայի եւ Կենտրոնական Ասիայի վարչության փոխտնօրեն Մարտին Հագսթրյոմը (Martin Hagström): Հանդիպմանը ներկա էր Հայաստանում Շվեդիայի դեսպան Դիանա Յանսենը:
Հանդիպման ընթացքում քննարկվեցին Հայաստանի ներքաղաքական իրավիճակին, արտաքին քաղաքական, տարածաշրջանային մարտահրավերներին վերաբերող հարցեր: Հյուրերի խնդրանքով Րաֆֆի Հովհաննիսյանը ներկայացրեց նաեւ Հայաստանում նախընտրական իրավիճակը: