Րաֆֆի Յովհաննիսեանն ընդունեց Շուէդիայից ժամանած պատուիրակութեանը
«Ժառանգութեան» նախընտրական շտաբից տեղեկացնում են, որ մարտի 28-ի երեկոյեան «ժառանգութեան» առաջնորդ Րաֆֆի Յովհաննիսեանն ընդունեց Շուէդիայից ժամանած պատուիրակութեանը, որը գլխաւորում էր այդ երկրի Արտաքին գործերի նախարարութեան քաղաքական հարցերի վարչութեան պետ Բեօրն Լիրուալը (Bjփrn Lyrvall): Պատուիրակութեան կազմում էր նաեւ Շուէդիայի արտգործնախարարութեան Արեւելեան Եւրոպայի եւ Կենտրոնական Ասիայի վարչութեան փոխտնօրէն Մարտին Հագսթրեօմը (Martin Hagstrփm): Հանդիպմանը ներկայ էր Հայաստանում Շուէդիայի դեսպան Դիանա Եանսենը:
Հանդիպման ընթացքում քննարկուեցին Հայաստանի ներքաղաքական իրավիճակին, արտաքին քաղաքական, տարածաշրջանային մարտահրաւէրներին վերաբերող հարցեր: Հիւրերի խնդրանքով Րաֆֆի Յովհաննիսեանը ներկայացրեց նաեւ Հայաստանում նախընտրական իրավիճակը: