Արաբական Միացյալ Էմիրություններում Հայաստանի Հանրապետության դեսպանն իր հավատարմագրերը հանձնեց ԱՄԷ նախագահին
11-04-2012 15:14:09 | ԱՄԷ | Քաղաքական
Ապրիլի 10-ին Արաբական Միացյալ Էմիրություններում Հայաստանի Հանրապետության դեսպան Գեղամ Ղարիբջանյանն իր հավատարմագրերը հանձնեց ԱՄԷ նախագահ Շեյխ Խալիֆա բին Զայեդ Ալ Նահայանին:
Հավատարմագրերի հանձնման արարողությունից հետո կայացած զրույցի ընթացքում դեսպան Ղարիբջանյանը ՀՀ Նախագահ Սերժ Սարգսյանի ողջույններն ու բարեմաղթանքները փոխանցեց ԱՄԷ նախագահին:
Հանդիպման ընթացքում քննարկվել են Հայաստան - ԱՄԷ հարաբերությունների զարգացմանը վերաբերող հարցեր: ԱՄԷ նախագահը հաջողություն մաղթեց դեսպանին եւ կարեւորեց Հայաստանի հետ հետագա համագործակցության խորացումը:
Ինչպես տեղեկացնում են ՀՀ ԱԳՆ մամուլի, տեղեկատվության եւ հասարակայնության հետ կապի վարչությունից, ԱՄԷ նախագահը իր ջերմ ողջույններն ու բարեմաղթանքները փոխանցեց ՀՀ Նախագահ Սերժ Սարգսյանին: