Մոսկվայում ապրիլի 17-ին, ժամը 9.30-ի սահմաններում, Մարշալ Ժուկովի պողոտայի բնակելի շենքերից մեկի 10-րդ հարկի աստիճանավանդակում հրազենից սպանվել է 40-ամյա Տիգրան Հովհաննիսյանը: Ըստ LifeNews. ru-ի, Տ.Հովհաննիսյանը զբաղվում էր գրիլ հավերի վաճառքով: Աղբյուրի փոխանցմամբ, հանցագործը իր զոհին սպասել է վերջինիս բնակարանի մոտ եւ կրակել, երբ Տ.Հովհաննիսյանը դուրս է եկել աստիճանավանդակ: Փամփուշտը դիպել է զոհի վզին, եւ նա հրազենային վնասվածքից տեղում մահացել է: Հանցագործը դեպքի վայրից դիմել է փախուստի:

---