Եւս մի հզոր ավիաընկերություն 2014-ին չվերթներ կիրականացնի դեպի Հայաստան
17-12-2013 11:11:40 | Հայաստան | Տնտեսություն
<Արմենիա Միջազգային Օդանավակայաններ> ընկերությունը, հայկական Վիզա Կոնկորդ տուրիստական գործակալության հետ համատեղ, ակտիվ բանակցություններից հետո, պայմանավորվել է Արաբական Միացյալ Էմիրությունների ևս մի հսկա ավիաընկերության` <Իթիհադ Ավիաուղիների> հետ, որպեսզի վերջինս չվերթներ իրականացնի դեպի Հայաստան: 2014-ի հուլիսից <Իթիհադ Ավիաուղիները> կսկսի իրականացնել Աբու Դաբի – Երևան չվերթներ: <Իթիհադ Ավիաուղիները> հայտնի է որպես առավել բարձրակարգ սպասարկում իրականացնող ավիաընկերություն:
Հիմնադրվելով 2003թ. հուլիսին, Իթիհադը առևտրային գործունեություն է սկսել նույն տարվա նոյեմբերից և կարճ ժամանակում դարձել կոմերցիոն ավիացիայի ամենաարագ զարգացող ավիաընկերությունն աշխարհում:
Շարժակազմը բաղկացած է 66 օդանավերից, որոնք շաբաթական 1000-ից ավել թռիչք են իրականացնում` սպասարկելով ուղևորային և բեռնային 84 ուղղություններ դեպի Մերձավոր Արևելք, Աֆրիկա, Եվրոպա, Ասիա, Ավստրալիա և Հյուսիսային Ամերիկա: <Իթիհադ Ավիաուղիներին> է պատկանում նաև Եվրոպայի մեծությամբ 6-րդ փոխադրող Էյր Բեռլինի 30%-ը և Էյր Սեյշելզի 40%-ը:
ՀԱՅԵՐԵՆ
Русский
English
Դաս. հայերեն
French
