Սիրիայում բախումներ են տեղի ունեցել Խոմսի բնակիչների եւ ոստիկանության միջեւ
08-05-2011 12:48:32 | Սիրիա | Միջազգային
Սիրիայի Խոմս քաղաքում գիշերը բախումներ են տեղի ունեցել տեղի բնակիչների եւ ոստիկանության միջեւ:
Ինչպես հաղորդում է BBC-ն, անվտանգության ուժերը ժամանել էին քաղաքի շրջաններից մեկը շաբաթ օրը տեղի ունեցած ցույցերի մասնակիցներին կալանավորելու նպատակով:
Բախումները տեղի են ունեցել, երց բնակիչները փորձել են խոչընդոտել ձերբակալություններին:
Ողջ գիշեր քաղաքում լսվել են կրակոցներ: Զոհերի մասին տեղեկություններ չկան:
Անհանգիստ է նաեւ Սիրիայի Տաֆաս քաղաքում: Ըստ տեղեկությունների, առավոտյան ժամը վեցին առնվազն ութ տանկ է մտել քաղաք: Լսվում են կրակոցներ: Զինվորականներն ու ոստիկանությունը մտնում են տներ եւ ձեռբակալում երիտասարդներին: