Մարտի 26-30-ը Մոսկվայում կայացած Ա. Խարլամպիևի հիշատակին նվիրված սամբոյի աշխարհի գավաթի մրցաշարում հայ փրկարար Վահե Օթարյանը զբաղեցրել է 3-րդ մրցանակային տեղը (մինչև 52 կգ քաշային կարգում): Մրցումներին մասնակցում էր շուրջ 35 երկրի ներկայացուցիչ:
ՀՀ ՏԿԱԻՆ ՓԾ Հատուկ նշանակության փրկարարական աշխատանքների իրականացման կենտրոնի ընդհանուր պրոֆիլի փրկարար, փ/ծ ենթասպա, 32-ամյա Վահե Օթարյանը մասնագիտությամբ իրավագետ է:
2003 թ. փրկարար ծառայության է անցել Տավուշի մարզի փրկարարական ջոկատում, այնուհետև` ծառայել է Դիլիջանի հրշեջ-փրկարարական ջոկատում, իսկ ամիսներ առաջ տեղափոխվել է Հատուկ նշանակության փրկարարական աշխատանքների իրականացման կենտրոն: Մոտ 26 տարի Վահեն զբաղվում է նաև պրոֆեսիոնալ սպորտով և արժանացել է բազմաթիվ մրցանակների:
2008 թ. մասնակցելով սամբոյի աշխարհի առաջնությանը` ստացել է բրոնզե մեդալ և դարձել միջազգային կարգի սպորտի վարպետ:
Բոլորովին վերջերս Ստեփանակերտում կայացած ՀՀ մարտական սամբոյի առաջնությանը Վ. Օթարյանը դարձել է Հայաստանի չեմպիոն, որից հետո մասնակցել է սամբոյի աշխարհի գավաթին, իսկ առաջիկայում ներկայացնելու է մեր երկիրը Խորվաթիայում կայանալիք Եվրոպայի առաջնությանը:
Շնորհավորում ենք մեր գործընկերոջը` մաղթելով անվտանգ ծառայություն և ավելի մեծ նվաճումներ: