Թբիլիսիում թուրքական դեսպանատան առջև կայացել է բողոքի ցույց

Ապրիլի 24-ին Թբիլիսիում Թուրքիայի դեսպանատան առջև կայացավ բողոքի ցույց:

Ակցիայի հարյուրավոր մասնակիցները թուրքական պետությունից պահանջում էին

ճանաչել իր իսկ կատարած հանցագործությունը՝ Հայ ժողովրդի նկատմամբ

իրագործված Ցեղասպանությունը:

1915-23թթ Ցեղասպանության ճանաչման և հատուցման պահանջով ցույցին միացան

Թբիլիսիում գործող բոլոր խոշոր հայկական հոգևոր և աշխարհիկ-հասարակական

կազմակերպությունները:

Ցույցի մասնակիցներն արտահայտեցին իրենց բողոքը Թուրքիայի ցեղասպանական

քաղաքականության դեմ և կոչ արեցին հատուցել իրականացրած հանցագործության

համար: Ակցիայի մասնակիցները հերթական անգամ հաստատեցին հայ ժողովրդի

համար արդարադատության վերականգնման համար պայքարի հաստատակամությունը,

ինչպես նաև կոչ արեցին Վրաստանի իշխանություններին հարգել երկրի ազգությամբ

հայ քաղաքացիների իրավունքները և սկսել 1915-23թթ.-ի հայ ժողովրդի

Ցեղասպանության փաստի ճանաչման գործընթացը:

2015 թվականի ապրիլի 24-ին լրանում է Օսմանյան կայսրության տարածքում,

պետական մակարդակով ծրագրված հայ ազգի իր իսկ պատմական հայրենիքում

ոչնչացման – Ցեղասպանության 100-րդ տարելիցը:

1915-1923թ.ին կատարված հանցագործության արդյունքում հայ ժողովուրդը

կորցրեց ավելի քան 2 000 000 իր որդիներին ու դուստրերին, իսկ Հայաստանի

մեծ մասը գրավվեց հայ ժողովրդի կոտորածն իրականացնող թուրքական պետության

կողմից:

Այսօր 1915-23թթ. Հայոց Ցեղասպանության փաստը ճանաչվել է, իսկ նրա

կազմակերպիչ Թուրքիան դատապարտվել է ավելի քան 20 երկրների կողմից (Կանադա,

Իտալիա, Ֆրանսիա, Շվեյցարիա, Արգենտինա, Լիբանան, Նիդեռլանդներ, Ռուսաստան,

Լեհաստան, Վատիկան և այլն): Հայ ժողովրդի հանդեպ Ցեղասպանության

իրականացման փաստը ճանաչել է նաև ԱՄՆ-ի 50 նահանգներից 46-ը, ինչպես նաև

միջազգային կազմակերպությունների մի ամբողջ շարք, այդ թվում նաև Եվրոպական

Խորհրդարանը, Եվրախորհուրդը, Եվրոպական Ժողովրդական Կուսակցությունը և

այլն:

Վրաստանի Հայ Համայնք

Մամլո Դիվան

Նոյյան տապան - Քաղաքական

https://s1.merlive.am/Noian_Tapan/embed.html?autoplay=false&play