ԱՄՆ-ի նախագահ Բարաք Օբաման հայտարարել է, որ Սպիտակ տունը որոշել է չհրապարակել սպանված Ուսամա բեն Լադենի լուսանկարը: Այս մասին հաղորդում է BBC-ին, վկայակոչելով Բ. Օբամայի` CBS հեռուստատեսության հարցազրույցը, որի ժամանակ նախագահը նշել է, որ Սպիտակ տունը կայացրել է վերոհիշյալ որոշումը, քանի որ լուսանկարում սարսափելի տեսարան է, որը կարող է արժանանալ մի շարք բացասական արձագանքների: BBC-ի փոխանցմամբ` ավելի վաղ Սպիտակ տունը հնարավոր էր համարել լուսանկարի հրապարակումը որպես ապացույց, որ «Ալ Կաիդայի» առաջնորդը ոչնչացված է:

---