Բելառուսցի սակրավորները ռումբ չեն գտել Մինսկ-Միլան չվերթի ինքնաթիռում
01-09-2016 18:34:52 | Բելոռուս | Միջազգային
Մինսկ-Միլան չվերթում պայթուցիկ սարք չի հայտնաբերվել: Interfax.ru-ի փոխանցմամբ` այդ մասին հաղորդել է Մինսկի Ներքին գործերի նախարարության գլխավոր վարչությունը:
Աղբյուրի տեղեկացմամբ` ինքնաթիռը հետախուզվել է սակրավորների կողմից, սակայն պայթուցիկ սարք չի հայտնաբերվել:
Ինչպես հաղորդվում է, հինգշաբթի անհայտ անձը Իտալիայում ահազանգել է Մինսկ-Միլան չվերթի ինքնաթիռում ռումբի առկայության մասին:
Մինսկի Ազգային օդանավակայանի մամլո ծառայությունն էլ տեղեկացրել է, որ օդանավակայանն աշխատում է բնականոն ռեժիմով: Բոլոր չվերթները, բացի Միլանի հետաձգվածից, իրականացվում են ըստ չվացուցակի: