Ամբողջ աշխարհում 2016 թվականի ընթացքում ավելի քան 70 լրագրող է սպանվել
19-12-2016 14:41:36 | Սիրիա | Հասարակություն
«Լրագրողներ առանց սահմանների» միջազգային իրավապաշտպան կազմակերպության տվյալներով` ամբողջ աշխարհում 2016 թվականի ընթացքում սպանվել է 74 լրագրող:
Interfax-ի փոխանցմամբ, Սիրիան այս ցուցակում առաջինն է, որտեղ զոհվել է այս մասնագիտությունն ունեցող 19 մարդ: 10 լրագրող սպանվել է Աֆղանստանում, 9-ը` Մեքսիկայում, 7-ը` Իրաքում և 5-ը` Եմենում:
Բացի այդ, Մարդու իրավունքների պաշտպանների զեկույցներում նշվել են մահացած 9-ը բլոգերների և տարբեր ԶԼՄ-ներին անդամակցող 8 լրագրողների անուններ, որոնք սպանվել են միայն այն պատճառով, որ լրագրող են եղել:
Հավելենք, որ 2015 թվականի համեմատ այս տարի զոհված լրագրողների թիվը նվազել է 36-ով:
ՀԱՅԵՐԵՆ
Русский
English
Դաս. հայերեն
French
