Դեկտեմբերի 6-ին թթ. 8 եւ 25 ընտրատարածքներում կանկացվեն
ԱԺ-ի պատգամավորի լրացուցիչ ընտրություններ
04-12-2009 13:52:00 | Հայաստան | Քաղաքական
ԵՐԵՎԱՆ, 4 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Երեւանի թիվ 8 եւ
Կոտայքի մարզի թիվ 25 ընտրատարածքներում դեկտեմբերի 6-ին
կանցկացվեն Հայաստանի Ազգային Ժողովի պատգամավորի լրացուցիչ
ընտրություններ:
Թափուր մանդատների համար նշված ընտրատարածքներում պայքարում է
մեկական թեկնածու` համապատասխանաբար ՀՀԿ-ի կողմից առաջադրված
անկուսակցական, Հայ-Ռուսական (Սլավոնական) համալսարանի դասախոս
Կորյուն Նահապետյանը եւ «Բարգավաճ Հայաստան» կուսակցության կողմից`
կուսակցության անդամ, «Ծաղկաձոր» գլխավոր մարզահամալիրի գործադիր
տնօրեն Մխիթար Հարությունյանը:
Ընտրական օրենսգրքի համաձայն, մեկ թեկնածու քվեարկվելու
դեպքում նա ընտրվում է, եթե կողմ է քվեարկել քվեարկության
մասնակիցների կեսից ավելին:
Հիշեցնենք, որ այդ ընտրատարածքներից 2007թ.-ի խորհրդարանական
ընտրություններում ընտրված Հակոբ Հակոբյանի եւ Սասուն Միքայելյանի
պատգամավորական լիազորություններն ընթացիկ տարվա սեպտեմբերի 15-ին
համարվել են դադարած «Մարտի 1»-ի գործով դատապարտվելու հիմքով: