Դեկտեմբերի 6-ին թթ. 8 եւ 25 ընտրատարածքներում կանկացվեն
ԱԺ-ի պատգամաւորի լրացուցիչ ընտրութիւններ
04-12-2009 13:52:00 | Հայաստան | Քաղաքական
ԵՐԵՎԱՆ, 4 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: Երեւանի թիւ 8 եւ
Կոտայքի մարզի թիւ 25 ընտրատարածքներում դեկտեմբերի 6-ին
կանցկացուեն Հայաստանի Ազգային Ժողովի պատգամաւորի լրացուցիչ
ընտրութիւններ:
Թափուր մանդատների համար նշուած ընտրատարածքներում պայքարում է
մէկական թեկնածու` համապատասխանաբար ՀՀԿ-ի կողմից առաջադրուած
անկուսակցական, Հայ-Ռուսական (Սլավոնական) համալսարանի դասախօս
Կորիւն Նահապետեանը եւ «Բարգաւաճ Հայաստան» կուսակցութեան կողմից`
կուսակցութեան անդամ, «Ծաղկաձոր» գլխաւոր մարզահամալիրի գործադիր
տնօրէն Մխիթար Յարութիւնեյանը:
Ընտրական օրէնսգրքի համաձայն, մէկ թեկնածու քվեարկվելու
դէպքում նա ընտրվում է, եթէ կողմ է քուէարկել քուէարկութեան
մասնակիցների կէսից աւելին:
Յիշեցնենք, որ այդ ընտրատարածքներից 2007թ.-ի խորհրդարանական
ընտրութիւններում ընտրուած Յակոբ Յակոբեանի եւ Սասուն Միքայելեանի
պատգամաւորական լիազօրութիւններն ընթացիկ տարուայ սեպտեմբերի 15-ին
համարուել են դադարած «Մարտի 1»-ի գործով դատապարտվելու հիմքով: