Ուժի մեջ են մտել Սիրիայի նկատմամբ ԵՄ նոր պատժամիջոցները
21-03-2017 14:45:50 | | Հասարակություն
Եվրոպական միությունը գործողության մեջ է դրել Սիրիայի նկատմամբ լրացուցիչ պատժամիջոցները կապված կառավարական ուժերի կողմից քիմիական զենքի ենթադրյալ օգտագործման հետ: tass-ի փոխանցմամբ` ԵՄ համապատասխան որոշումը հրապարակվել է Եվրամիության պաշտոնական ամսագրում:
Նշվում է, որ Սիրիայի քաղաքացիների համար նախատեսված սև ցուցակ են ընդգրկվել սիրիական զինված ուժերի երկու գեներալ-մայորներ և երկու բրիգադային հրամանատարներ: Վերջիններիս արգելվում է մուտք գործել ԵՄ տարածք և հասանելիություն ունենալ բանկային համակարգի նկատմամբ:
ԵՄ խորհուրդն ընդգծել է, որ ներկա պահին ԵՄ սև ցուցակում ընդգրկված են 239 Սիրիայի քաղաքացիներ:
«ԵՄ շարունակում է հավատարիմ մնալ ՄԱԿ-ի հովանավորությամբ սիրիական հակամարտության հարցում կայուն քաղաքական լուծում գտնելուն, քանի որ սիրիական քաղաքացիական պատերազմը չպետք է լուծվի զինված ճանապարհով»,- ասվում է փաստաթղթում:
Նշվում է, որ Սիրիայի նկատմամբ ԵՄ պատժամիջոցները համարվում են ամենանշանակալի պատժամիջոցային փաթեթներից մեկը, որը երբևէ մտցրել է Եվրամիությունը: Դրանք աստիճանաբար ընդլայնվել են, արդյունքում այսօր ներառում են արգելքներ` Սիրիայի նավթի արտահանման, այդ երկիր վառելանյութի մատակարարման վրա, ներդրումների սահմանափակում, սիրիական Կենտրոնական բանկի ակտիվների սառեցում, երկակի նշանակություն ունեցող տեխնոլոգիաների բռնարգելք:
Այս ամենից զատ, Սիրայից 239 ֆիզիկական և 67 իրավաբանական անձիք ընդգրկված են ԵՄ սև ցուցակում: