Եթե պետությունը մեզ չի օգնում, ուրեմն մենք պետությանը զինվոր չունենք տալու. բազմազավակ ընտանիքի հայր (տեսանյութ)
30-03-2017 17:08:15 | Հայաստան | Հասարակություն
«Եթե պետությունը մեզ չի օգնում, ուրեմն մենք պետությանը զինվոր չունենք տալու»,- այսօր ՀՀ կառավարության շենքի առջև հայտարարեց բազմազավակ ընտանիքի հայր Վիրաբ Շաբոյանը:
Վերջինիս 13 երեխաներից բաղկացած ընտանիքը շուտով համալրվելու է ևս մեկով, մինչդեռ ընտանիքը բնակվելու տեղ չունի:
Աշխատանք չգտնելու պատճառով ընտանիքը Քաշաթաղի շրջանի Նորաշեն գյուղից Երևան է եկել այստեղ աշխատանք գտնելու և գոյությունը պահպանելու հույսով:
Ինչպես «Նոյյան Տապան»-ի թղթակցի հետ զրույցում տեղեկացրեց ընտանիքի ավագ դուստր Աննա Շաբոյանը, այժմ մի քանի օրով բնակվում են 2-րդ Մասիվի հանրակացարաններից մեկում, որտեղ իրենց սենյակը վարձակալել են հենց հանրակացարանի բնակիչները:
Վ. Շաբոյանի խոսքերով` իրենք Հայաստանի պատկան մարմիններից ընդամենը մշտական աշխատանք են խնդրում և մի փոքրիկ դոմիկ:
«Որպես բազմազավակ ընտանիք` մեզ արհամարհում են, իսկ ավելի կոնկրետ Արցախի սոցապնախարարությունը մեզ վրա ծիծաղում էր»,- ասաց ընտանիքի հայրը` ընդգծելով, որ օր է եղել, երբ ամբողջ ընտանիքով գիշերել են փողոցում կամ ուրիշի նկուղում, որտեղից իրենց ծեծ ու ջարդով դուրս են շպրտել:
ՀԱՅԵՐԵՆ
Русский
English
Դաս. հայերեն
French
