Թուրքիայում ձերբակալել են Amnesty International կազմակերպության ներկայացուցչության թուրք ղեկավարին և վեց իրավապաշտպանների
18-07-2017 12:45:24 | Թուրքիա | Հասարակություն
Թուրքիայի դատարանը չորեքշաբթի վեց իրավապաշտպանների ձերբակալության թույլտվություն է տվել, այդ թվում Amnesty International կազմակերպության ներկայացուցչության թուրք ղեկավար Իդիլ Էսերի:
tass-ի փոխանցմամբ` նրանք մեղադրվում են ահաբեկչական կազմակերպությունների գործողություններում ներգրավվածության մեջ:
Նշվում է, որ ավելի վաղ ևս չորս ձերբակալված ակտիվիստներին բաց են թողել երկրից չհեռանալու պայմանով:
«Այժմ պարզից էլ պարզ է, որ Թուրքիայում մարդու իրավունքների համար պայքարը կարող է որակվել որպես հանցագործություն»,- ասել է Amnesty International միջազգային իրավապաշտպան կազմակերպության քարտուղար Սալիլա Շեթին:
Էսերը և մյուս իրավապաշտպանները ձերբակալվել են հուլիսի 5-ին: Նրանք մասնակցել են կազմակերպության ժողովին, որն իբրև թե «հակված է շարունակելու պետական հեղաշրջումը» երկրում:
ՀԱՅԵՐԵՆ
Русский
English
Դաս. հայերեն
French
