Վաշինգտոնը Վլադիմիր Պուտինի Աբխազիայի անջատական տարածք այցը «աննպատակահարմար» է անվանել. azatutyun.am
10-08-2017 12:22:52 | ԱՄՆ | Ի՞նչ է գրում մամուլը
azatutyun.am. Միացյալ Նահանգները քննադատել է Ռուսաստանի նախագահ Վլադիմիր Պուտինին՝ օգոստոսի 8-ին Աբխազիայի անջատական տարածք այցելելու համար: Վաշինգտոնն այդ այցը «աննպատակահարմար» է անվանել:
Պուտինը Վրաստանից անջատված տարածք է մեկնել ռուս-վրացական կարճատև պատերազմի 9-րդ տարելիցի օրը և տեղի իշխանություններին հավաստիացրել է, որ Մոսկվան անվերապահորեն սատարելու է Աբխազիային:
Այդ պատերազմից հետո Մոսկվան ճանաչել է Հարավային Օսիայի և Աբխազիայի անկախությունը և երկու անջատական տարածքներում տեղակայել է ռազմական խոշոր ստորաբաժանումներ: Վրաստանը խզել է դիվանագիտական հարաբերությունները Ռուսաստանի հետ:
Վրաստանն, ինչպես նաև աշխարհի երկրների գերիշխող մեծամասնությունը չեն ճանաչում Հարավային Օսիայի և Աբխազիայի անկախությունը և համարում են, որ Ռուսաստանը զավթել է այդ տարածքները:
Անցած շաբաթ՝ այցելելով Վրաստան, Միացյալ Նահանգների փոխնախագահ Մայք Փենսը հավաստիացրել է, որ Ռուսաստանի հետ վեճում Վաշինգտոնը միանշանակ սատարում է Թբիլիսիին:
ՀԱՅԵՐԵՆ
Русский
English
Դաս. հայերեն
French
