31-08-2017 18:58:04 | Տավուշի մարզ | Ի՞նչ է գրում մամուլը
Հայաստանի եւ Ադրբեջանի սահմանին ԵԱՀԿ առաքելության դիտարկման ընթացքում հակառակորդի կողմից կրակահերթի մասով իրենց կարծիքը պետք է հայտնեն փորձագետները՝ տեղում ուսումնասիրելով միջադեպի բոլոր մանրամասները:
Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան:
armtimes.com-ը հիշեցնում է, Ադրբեջանի զինված ուժերն այսօր կրակ են բացել ԵԱՀԿ-ի դիտարկման ժամանակ: Դիտարկումն անցկացվել է Տավուշի մարզի Չինարի գյուղի ուղղությամբ:
Զախարովայի խոսքով, սրացումների կամ բարդ իրավիճակների ժամանակ Ռուսաստանը միշտ հորդորում է կողմերին կշռադատված մոտեցման, որի նպատակն է ոչ թե իրավիճակի էլ ավելի սրումը, այլ ուղղությունը՝ դեպի քաղաքական կարգավորում:
Ավելի վաղ, ՀՀ ՊՆ խոսնակ Արծրուն Հովհաննիսյանը հայտնել էր, որ կրակոցները դադարել են, ինչը հնարավորություն է տվել ԵԱՀԿ դիտորդական առաքելությանն իրականացնել դիտարկումը: