Քաղաքապետ Տարոն Մարգարյանը հյուրընկալել է Կրասնոդարի քաղաքապետի տեղակալին
13-10-2017 19:06:43 | Հայաստան | Մամլո հաղորդագրություն
Երևանի քաղաքապետ Տարոն Մարգարյանը հյուրընկալել է «Էրեբունի-Երևան 2799» տոնակատարությանը մասնակցելու նպատակով Երևան այցելած Կրասնոդարի քաղաքապետի տեղակալ Անդրեյ Վասիլենկոյին: Ողջունելով հյուրին՝ քաղաքապետ Տարոն Մարգարյանը նախ շնորհակալություն է հայտնել հրավերն ընդունելու և Երևան այցելելու համար ու համոզմունք է հայտնել, որ այս այցը ևս իր դրական ազդեցությունը կունենա երկու քաղաքների միջև առկա փոխգործակցությունն ու գործընկերային կապերն էլ ավելի ամրապնդելու և ընդլայնելու հարցում:
Կրասնոդարի քաղաքապետի տեղակալ Անդրեյ Վասիլենկոն իր հերթին նախ շնորհավորել է Երևանի քաղաքապետին մայրաքաղաքի տոնի առթիվ, ապա նաև ընդգծել, որ սա ևս մեկ հրաշալի առիթ է քննարկելու համագործակցության ծրագրերի ընթացքն ու նախանշելու առաջիկա անելիքները:
Հանդիպման շրջանակում Երևանի քաղաքապետ Տարոն Մարգարյանը նաև նշել է, որ հաջորդ տարի նախատեսվում է մեծ շուքով նշել Երևանի հիմնադրման 2800-ամյա հոբելյանը և Կրասնոդար քաղաքի պատվիրակությանը սիրով հրավիրել է հաջորդ տարի այցելել Երևան և դառնալ տոնական միջոցառումների մասնակիցը:
ՀԱՅԵՐԵՆ
Русский
English
Դաս. հայերեն
French
