Երիտասարդ և պատանի ձյուդոյիստները ուսումնամարզական հավաք են անցնում Օլիմպավանում
06-03-2018 13:15:57 | Հայաստան | Սպորտ
Մարտի 3-ից 13-ը ձյուդոյի Հայաստանի Հանրապետության երիտասարդների և պատանիների հավաքականները համատեղ ուսումնամարզական հավաք են անցկացնելու Օլիմպավանում` ավագ մարզիչ Հովհաննես Դավթյանի և մարզիչ Գոռ Հարությունյանի գլխավորությամբ:
Ձյուդոյի ՀՀ երիտասարդների և պատանիների հավաքականների համար այս հավաքը նախապատրաստական է. պատանիները նախապատրաստվում են մարտի 31-ից ապրիլի 1-ը Ռուսաստանի Դաշնության Տուլա քաղաքում կայանալիք Եվրոպայի գավաթի մրցաշարին, որը վարկանիշային է Բուենոս Այրեսի պատանեկան օլիմպիական խաղերի համար: Իսկ երիտասարդները նախապատրաստվում են 2018 թվականի առաջին միջազգային մրցաշարին՝ Եվրոպայի գավաթի խաղարկությանը, որը կայանալու է Իտալիայի Լիգնանո քաղաքում:
Ուսումնամարզական հավաքի մեկնարկից առաջ մարզիչները մարզիկների հետ քննարկեցին մարզումները նպատակային կազմակերպելու, մրցումներին հաջող մասնակցելու, կարգապահական և այլ հարցեր:
ՀԱՅԵՐԵՆ
Русский
English
Դաս. հայերեն
French
