Ռուսաստանում վթարված ավտոբուսը պատկանում է «Ման Տուր» ընկերությանը

20-03-2018 13:17:14 | Ռուսաստան | Մամլո հաղորդագրություն

Ռուսաստանի Դաշնության Վորոնեժի մարզի Պավլովսկի շրջանում մարտի 20-ին՝ ժամը 9։00-9։30-ի սահմաններում, տեղի է ունեցել ավտովթար։

308 AF 68 պետհամարանիշի «Մերսեդես» մակնիշի ավտոբուսը բախվել է ծանրաքարշ բեռնատարին։

Ավտոբուսը պատկանում է կանոնավոր ուղևորափոխադրում իրականացնող, մրցույթում հաղթած «Ման Տուր» ընկերությանը, որը սպասարկում է Երևան-Տվեր ուղղությունը:

Ավտոբուսում եղել է 48 ուղևոր և 2 վարորդ։

ՀՀ տրանսպորտի, կապի և տեղեկատվական տեխնոլոգիաների նախարարության աշխատակիցները պարբերաբար կապի մեջ են ՌԴ-ում ՀՀ դեսպանատան և ՌԴ տրանսպորտի նախարարության համապատասխան ներկայացուցիչների հետ։

Նրանց հաղորդմամբ՝ վիրավորներին ցույց է տրվել առաջին բուժօգնություն։

Վթարի հետևանքով կա 2 զոհ, որից մեկը ծանրաքարշ մեքենայի վարորդն է։

Չտուժած ուղևորները տեղավորվել են Պավլովսկի շրջանի «Как дома» հյուրանոցում:

Վթարի պատճառներն ու մյուս մանրամասները ճշտվում են։

Կտրվի լրացուցիչ տեղեկատվություն։

ՀՀ տրանսպորտի, կապի և տեղեկատվական

տեխնոլոգիաների նախարարության լրատվական ծառայություն

Նոյյան տապան - Մամլո հաղորդագրություն