Պտուղ-բանջարեղենի արտահանմանը ներկայացվող պահանջների պահպանման դեպքում հավաստագրումը կատարվում է արագացված ընթացակարգով

25-05-2018 19:02:06 | Հայաստան | Մամլո հաղորդագրություն

Նկատի ունենալով, որ սկսվել է գյուղատնտեսական ապրանքների արտահանման սեզոնը և ուժեղացվել է վերահսկողությունը, ՀՀ սննդամթերքի անվտանգության պետական ծառայությունը հորդորում է բոլոր արտահանողներին լինել հնարավորինս ուշադիր՝ հետևել պտուղ-բանջարեղենի մակնշման, փաստաթղթավորման, ինչպես նաև բոլոր գործող տեխնիկական կանոնակարգերի պահանջների պահպանմանը:

Ըստ այդմ, Հայաստանի Հանրապետությունից դեպի ԵԱՏՄ-անդամ երկրներ արտահանվող բուսական ծագման մթերքը պետք է լինի փաթեթավորման նյութի՝ արկղերի մեջ, յուրաքանչյուրի վրա հստակ մակնշմամբ, որը պետք է պարունակի հետևյալ տեղեկատվությունը՝

 ծագման երկիրը,

 ապրանքի անվանումը,

 արտադրողի անունը և հասցեն (իրավաբանական և գործունեության),

 արտահանողի անունը և հասցեն,

 ստացողի անունը և հասցեն,

 պահման ժամկետը, ջերմաստիճանը:

Արտահանվող խմբաքանակը պետք է զերծ լինի ցանկացած տեսակի կարանտին վնասակար օրգանիզմներից (ԵԱՏՀ խորհրդի 2016թ. 158 որոշմամբ հաստատված ցանկ): Նշված պահանջների պահպանման դեպքում Ծառայությունը արտահանման հավաստագրումը կատարում է արագացված ընթացակարգով՝ 20 րոպեում:

Հետաքրքրող այլ տեղեկատվություն ստանալու համար կարող եք զանգահարել Ծառայության թեժ գծին հետևյալ հեռախոսահամարներով՝ (012)90-60-90 և (010)-20-60-40 կամ գրել պաշտոնական էլեկտրոնային հասցեին՝ ssfs@ssfs.am, կամ այցելել Ծառայության սպասարկման կենտրոն:

http://snund.am/%D5%BA%D5%BF%D5%B8%D6%82%D5%B2-%D5%A2%D5%A1%D5%B6%D5%BB%D5%A1%D6%80%D5%A5%D5%B2%D5%A5%D5%B6%D5%AB-%D5%A1%D6%80%D5%BF%D5%A1%D5%B0%D5%A1%D5%B6%D5%B4%D5%A1%D5%B6%D5%A8-%D5%B6%D5%A5%D6%80%D5%AF%D5%A1/

Սննդամթերքի անվտանգության պետական ծառայություն

Աղբյուրը՝ snund.am

Նոյյան տապան - Մամլո հաղորդագրություն

Կարդացել են 717 անգամ

https://s1.merlive.am/Noian_Tapan/embed.html?autoplay=false&play

Պտուղ-բանջարեղենի արտահանմանը ներկայացվող պահանջների պահպանման դեպքում հավաստագրումը կատարվում է արագացված ընթացակարգով

Noyan Tapan TV