ՀՀ տարածքային կառավարման և զարգացման նախարարությունում ֆրանկոֆոն ավանին նվիրված աշխատանքային խորհրդակցություն է անցկացվել
20-09-2018 15:48:05 | Հայաստան | Մամլո հաղորդագրություն
ՀՀ տարածքային կառավարման և զարգացման նախարարությունում ՀՀ մարզպետարանների ներկայացուցիչների մասնակցությամբ այսօր աշխատանքային խորհրդակցություն է անցկացվել՝ նվիրված ֆրանկոֆոն ավանի Հայաստան տաղավարի կազմակերպչական հարցերին։
Հանդիպման ընթացքում ՀՀ մարզպետարանների ներկայացուցիչներին տեղեկացվել է, որ հոկտեմբերի 7-12-ն ընկած ժամանակահատվածում Հայաստանում ֆրանկոֆոն ավանը հանդես է գալու մեկ միասնական 240 քմ մակերես ունեցող տաղավարով, որտեղ ներկայացված է լինելու Հայաստանի ողջ գունապնակն իր մարզային բաղադրիչով։ Յուրաքանչյուր մարզ ներկայանալու է սեփական կոլորիտային յուրհատկությամբ և կենցաղ-մշակութային առանձնահատկությամբ՝ ցուցադրելով իր մրցակցային առավելություններն ու բովանդակային հայեցակարգը։
Մարզպետարանների պատասխանատուների առջև խնդիր է դրվել ձեռնարկել անհրաժեշտ միջոցառումներ՝ մարզային հնարավորություններն ու ներուժը որակյալ և լավագույնս կազմակերպված ներկայացնելու նպատակով։