ԵՐԵՎԱՆ, 3 ՀՈՒԼԻՍԻ, ՆՈՅՅԱՆ ՏԱՊԱՆ: Երեւանի Միկա մարզահամալիրում հուլիսի 3-ին կայացած Եվրոպայի կանանց բասկետբոլի առաջնության երրորդ դիվիզիոնի խմբային մրցաշարի եզրափակիչ փուլում Հայաստանի հավաքականը 65:74 հաշվով պարտվեց Մալթայի հավաքականին: Հայաստանի հավաքականը նվաճեց երկրորդ`B դիվիզիոնի ուղեգիր: Նման իրավունք էին ստանում C դիվիզիոնի առաջին երկու թիմերը: Ըստ armsport.am-ի, կանանց Հայաստանի բասկետբոլի հավաքականի խաղացող Քրիստինե Քեփենեկյանը ճանաչվեց Եվրոպայի C դիվիզիոնի լավագույն խաղացող: Մրցաշարի խորհրդանշական հավաքականում ընդգրկվեցին Հայաստանի հավաքականի խաղացողներ Քրիստինե Քեփենեկյանը եւ Ամանդա Ջեքսոնը, Մալթայի երկու եւ Մոլդովայի մեկ ներկայացուցիչներ: Հիշեցնենք, որ առաջնությունը Երեւանում մեկնարկել էր հունիսի 28-ին, մասնակցությամբ` Հայաստանի, Անդորրայի, Մալթայի, Ջիբլարթարի, Մոլդովայի, Շոտլանդիայի ու Ուելսի հավաքականների։

---