Ճապոնիան Կուրիլյան կղզիները հայտարարել է իր անկապտելի մասը
11-06-2009 20:06:00 | Ճապոնիա | Միջազգային
ՏՈԿԻՈ, 11 ՀՈՒՆԻՍԻ, ՆՈՅՅԱՆ ՏԱՊԱՆ: Ճապոնիայի խորհրդարանի
ստորին պալատը հունիսի 11-ին ընդունել է օրենք, որով «Ճապոնիայի
անկապտելի մասն» է հայտարարում Հարավ-Կուրիլյան կղզիների խումբը,
որն այժմ պատկանում է Ռուսաստանին:
Պատգամավորների հավանությանն արժանացած ուղղումներում,
մասնավորապես, ասվում է, որ Ճապոնիան կանի «հնարավոր ամեն բան
կղզիներն արագ վերադարձնելու համար, որոնք մեր երկրի անբաժանելի
մասն են»: Տոկիոյում այդ կղզիներն անվանում են «հյուսիսային
տարածքներ», դրանք են Իտուրուպ, Շիկոտան, Կունաշիր կղզիները,
ինչպես նաեւ Հարավ-Կուրիլյան շղթան (Խաբոմաի կղզեխումբը):