ՍՈՖԻԱ, 29 ՄԱՅԻՍԻ, ՆՈՅՅԱՆ ՏԱՊԱՆ: Բուլղարիայի
իշխանությունները մայիսի 29-ը հայտարարել են համազգային սգո օր
Յամբոլ քաղաքում հինգշաբթի տեղի ունեցած ճանապարհատրանսպորտային
պատահարի հետեւանքով 16 մարդու մահվան կապակցությամբ:
Վերջին տվյալներով, ավտոբուսը Յամբոլ քաղաքում, որը գտնվում է
Սոֆիայից 260 կիլոմետր դեպի հարավ-արեւելք, մխրճվել է մարդկանց
խմբի մեջ, 16 հոգի զոհվել է եւ 12-ը վիրավորվել: Միջադեպը տեղի է
ունեցել քաղաքային տոնավաճառի անցկացման շրջանում: Ըստ
ոստիկանության նախնական ենթադրությունների, չեն գործել ավտոբուսի
արգելակները: