ՏԿ նախարարը չի բացառում տրանսպորտի սակագների բարձրացում
18-03-2009 21:00:00 | Հայաստան | Տնտեսություն
ԵՐԵՎԱՆ, 18 ՄԱՐՏԻ, ՆՈՅՅԱՆ ՏԱՊԱՆ: ՀՀ տրասպորտի եւ կապի
նախարարը չի բացառում տրանսպորտի սակագների բարձրացման
հնարավորությունը: Մարտի 18-ի Ազգային ժողովի նիստի ընթացքում ի
պատասխան «ՀՅԴ» խմբակցության անդամ Ռուզան Խաչատրյանի հարցին,
նախարար Գուրգեն Սարգսյանը նշեց, որ նման անհրաժեշտություն կարող է
առաջանալ ապրիլի 1-ից նախատեսվող գազի սակագնի բարձրացման
արդյունքում:
Ըստ նախարարի, տրանսպորտի սակագինը հանդիսանում է մրցութային
պայման, եւ այն փոփոխելու համար տրանսպորտային ընկերությունները
պետք է նախարարությանը դիմում ներկայացնեն, ուր նշված կլինի
սակագնի առաջարկվող փոփոխության հիմնավորումը: Այս հիմնավորումների
ուսումնասիրության արդյունքում դիմումները կարող են բավարարվել: