2008թ.-ի հունվար-նոյեմբերին Հայաստանից արտահանման ծավալը
նվազել է 4,5%-ով, իսկ ներմուծմանն աճել` 39,5%-ով
14-01-2009 19:00:00 | Հայաստան | Տնտեսություն
ԵՐԵՎԱՆ, 14 ՀՈՒՆՎԱՐԻ, ՆՈՅՅԱՆ ՏԱՊԱՆ: Հայաստանի արտաքին
առեւտրաշրջանառության ծավալը 2008թ.-ի հունվար-նոյեմբերին, ընթացիկ
գներով, կազմել է 1 տրլն 526 մլրդ դրամ կամ 4 մլրդ 992,6 մլն ԱՄՆ
դոլար, այդ թվում ապրանքների արտահանումը` 308 մլրդ դրամ կամ 1
մլրդ 7,6 մլն դոլար, իսկ ներմուծումը` 1 մլրդ 218 դրամ կամ 3 մլրդ
985 մլն դոլար: Արտաքին առեւտրի հաշվեկշիռը բացասական է 910 մլրդ
դրամով (2 մլրդ 977,4 մլն դոլարով), իսկ առանց մարդասիրական
օգնությամբ ստացված բեռների` 892,4 մլրդ դրամով (2 մլրդ 919,7 մլն
դոլարով):
ՀՀ Ազգային վիճակագրական ծառայության տվյալներով, 2008թ.-ի
հունվար-նոյեմբերին արտահանման ծավալը 2007թ.-ի հունվար-նոյեմբերի
նկատմամբ նվազել է 4,5%-ով, իսկ ներմուծմանն աճել` 39,5%-ով:
2008թ.-ի հունվար-նոյեմբերին Հայաստանից ԱՊՀ երկրներ
արտահանման ծավալը կազմել է 317 մլն 109 հազ. դոլար, ինչը նախորդ
տարվա նույն ժամանակահատվածի համեմատ նվազել է 2,6%-ով, իսկ
ներմուծումն, ըստ առեւտուր անող երկրի, կազմել է 1 մլրդ 35 մլն
145,6 հազ. դոլար` աճելով 30,2%-ով:
Ռուսաստան արտահանման ծավալը կազմել է 202 մլն 195,6 հազ.
դոլար եւ աճել 10,3%-ով, իսկ ներմուծումը` 589 մլն 771,3 հազ.
դոլար` աճելով 18,2%-ով: Վրաստան արտահանման ծավալը կազմել է 76
մլն 920,4 հազ. դոլար (աճը` 4,7%), ներմուծմանը` 161 մլն 496,2
հազ. դոլար (աճը` 38,8%), Ուկրաինա արտահանման ծավալը կազմել է 20
մլն 668,4 հազ. դոլար (նվազումը` 53,2%), ներմուծմանը` 242 մլն
26,3 հազ. դոլար (աճը` 57,3%):
Եվրոմիության երկրներ արտահանման ծավալը 2008թ.-ի
հունվար-նոյեմբերին կազմել է 548 մլն 364,1 հազ. դոլար եւ նախորդ
տարվա նույն ժամանակահատվածի համեմատ աճել 7,2%-ով, իսկ
ներմուծումը` 1 մլրդ 66 մլն 544,5 հազ. դոլար` աճելով 22,7%-ով:
Բելգիա արտահանման ծավալը կազմել է 87 մլն 404,9 հազ. դոլար
(նվազումը` 0,9%), ներմուծումը` 117 մլն 594,3 հազ. դոլար
(նվազումը` 20,6%): Բուլղարիա արտահանման ծավալը կազմել է 55 մլն
237,8 հազ. դոլար (աճը` 25,9%), ներմուծումը` 26 մլն 878,7 հազ.
դոլար (աճը` 0,7%): Գերմանիա արտահանման ծավալը կազմել է 174 մլն
339,2 հազ. դոլար (աճը` 13,4%), իսկ ներմուծմանը` 141 մլն 725,8
հազ. դոլար (աճը` 39,6%): Ֆրանսիա արտահանման ծավալը կազմել է 10
մլն 136,4 հազ. դոլար (աճը` 24,7%), ներմուծումը` 80 մլն 212,5
հազ. դոլար (աճը` 33,8%): Հունաստան արտահանման ծավալը կազմել է
185,2 հազ. դոլար (նվազումը` 92,9%), ներմուծումը` 46 մլն 714,1
հազ. դոլար (նվազումը` 17%):
2008թ.-ի հունվար-նոյեմբերին Հայաստանից Իտալիա են արտահանվել
26 մլն 212,6 հազ. դոլարի (նվազումը` 7,4%), ներմուծվել` 111 մլն
549,9 հազ. դոլարի ապրանքներ (աճը` 28,4%), Նիդեռլանդներ
արտահանվել են 128 մլն 41,9 հազ. դոլարի ապրանքներ (նվազումը`
10,1%), ներմուծվել` 44 մլն 839,6 հազ. դոլարի (աճը` 30,3%): Նշված
ժամանակահատվածում Մեծ Բրիտանիա արտահանված ապրանքների ծավալը
կազմել է 38 մլն 526,1 հազ. դոլար (աճը` 21,8 անգամ), ներմուծված
ապրանքներինը` 121 մլն 192 հազ. դոլար (աճը` 16,4%), Իսպանիայի
պարագայում այդ ցուցանիշները կազմել են, համապատասխանաբար, 11 մլն
147,5 հազ. դոլար (նվազումը` 28%) եւ 23 մլն 589,8 հազ. դոլար
(աճը` 95,5%), Չեխիայի պարագայում, համապատասխանաբար, 1 մլն 414
հազ. դոլար (նվազումը` 36,6%) եւ 16 մլն 666,7 հազ. դոլար (աճը`
38,5%), Լեհաստանի պարագայում` 5 մլն 220,7 հազ. դոլար (նվազումը`
20%) եւ 13 մլն 835,7 հազ. դոլար (աճը` 2,1 անգամ), Սլովակիայի
պարագայում` 204,9 հազ. դոլար (աճը` 10,2 անգամ) եւ 6 մլն 551,8
հազ. դոլար (աճը` 74%):
Բացի ԱՊՀ ու Եվրոմիության երկրներից, այլ երկրներ արտահանման
ծավալը 2008թ.-ի հունվար-նոյեմբերին կազմել է 142 մլն 131,9 հազ.
դոլար (նվազումը` 34,7%), իսկ ներմուծմանը` 1 մլրդ 883 մլն 270,5
հազ. դոլար (աճը` 57,9%):
Իսրայել արտահանումը կազմել է 4 մլն 944,8 հազ. դոլար
(նվազումը` 79,9%), ներմուծումը` 21 մլն 371,1 հազ. դոլար
(նվազումը` 37,4%): ԱՄՆ-ի պարագայում այդ ցուցանիշները կազմել են,
համապատասխանաբար, 47 մլն 777,7 հազ. դոլար (նվազումը` 0,2%) եւ
262 մլն 103,2 հազ. դոլար (աճը` 47,6%), Արաբական Միացյալ
Էմիրությունների պարագայում` 10 մլն 231,9 հազ. դոլար (աճը` 77,7%)
եւ 458 մլն 898,7 հազ. դոլար (աճը` 66,7%), Իրանի պարագայում` 23
մլն 947,2 հազ. դոլար (նվազումը` 32,2%) եւ 218 մլն 53,7 հազ.
դոլար (աճը` 73,5%), Թուրքիայի պարագայում` 1 մլն 805 հազ. դոլար
(նվազումը` 37,1%) եւ 212 մլն 277,1 հազ. դոլար (աճը` 90,5%),
Շվեյցարիայի պարագայում` 12 մլն 74,5 հազ. դոլար (նվազումը` 75,1%)
եւ 83 մլն 278,6 հազ. դոլար (աճը` 14,6%), Չինաստանի պարագայում` 1
մլն 690 հազ. դոլար (նվազումը` 71,9%) եւ 151 մլն 716,4 հազ. դոլար
(աճը` 2,1 անգամ):
Հայաստանից Պանամա արտահանումը կազմել է 514,8 հազ. դոլար
(2007թ.-ի հունվար-նոյեմբերին ապրանքներ չեն արտահանվել),
ներմուծումը` 97 մլն 262,1 հազ. դոլար (աճը` 17,6%), Հնդկաստանի
պարագայում` 2 մլն 234,1 հազ. դոլար (նվազումը` 16,7%) եւ 17 մլն
396,9 հազ. դոլար (աճը` 57,8%), Կանադայի պարագայում` 14 մլն 209,1
հազ. դոլար (աճը` 2,6 անգամ) եւ 28 մլն 853,1 հազ. դոլար (աճը` 2,3
անգամ):