ՏՐԻՊՈԼԻ, 31 ՄԱՐՏԻ, ՆՈՅՅԱՆ ՏԱՊԱՆ: Լիբիայի ափերի մոտ անլեգալ ներգաղթողների Իտալիա տեղափոխող երկու նավերի խորտակման հետեւանքով 21 մարդ զոհվել է: Ինչպես այսօր հայտնել են լիբիական իշխանությունների ներկայացուցիչները, հարյուրավոր մարդիկ համարվում են անհետ կորած: Զոհվածների մարմինները հայտնաբերվել են նավի խորտակումից հետո, որը 253 անլեգալների էր տեղափոխում: Աղետի ենթարկված երկրորդ նավում եղել է 365 մարդ: Նրանցից 23-ը փրկվել են լիբիական առափնյա պահպանության կողմից: Մնացյալների ճակատագիրը առայժմ անհայտ է:

---