Զիմբաբվեում խոլերայի զոհ է դարձել 4 հազարից ավելի մարդ
06-03-2009 16:30:00 | Զիմբաբվե | Միջազգային
ՀԱՐԱՐԵ, 6 ՄԱՐՏԻ, ՆՈՅՅԱՆ ՏԱՊԱՆ: Ավելի քան 4 հազար մարդ է
մահացել Զիմբաբվեում խոլերայի համաճարակի հետեւանքով, հիվանդների
թիվը հասել է 85 հազարի, հայտնել է երկրի վարչապետ Մորգան
Ցվանգիրայը:
Կառավարության ղեկավարը միեւնույն ժամանակ խոստովանել է, որ
իշխանությունները ստույգ տվյալներ չունեն համաճարակի մասշտաբների
վերաբերյալ, եւ հիվանդների ու մահացածների փաստացի թիվը կարող է
շատ ավելի մեծ լինել:
Առողջապահության համաշխարհային կազմակերպության տվյալներով,
Զիմբաբվեում խոլերայի համաճարակը յոթ ամսվա ընթացքում 3 հազար 955
մարդու կյանք է խլել: Ըստ որում ԱՀԿ մասնագետները նշում են, որ շատ
բնակավայրեր իրենց անհասանելի են, ուստի մահացածների թիվը կարող է
շատ ավելի մեծ լինել:
ՄԱԿ-ի փորձագետները ենթադրում են, որ հիվանդության տարածման
հիմնական պատճառը կարող է լինել առողջապահական վիճակի անմխիթար
վիճակը, ինչպես նաեւ խմելու ջրի պակասը: