Չինաստանի պաշտպանական բյուջեն 2009 թվականին կկազմի 70,7
մլրդ դոլար
05-03-2009 17:40:00 | Չինաստան | Միջազգային
ՊԵԿԻՆ, 5 ՄԱՐՏԻ, ՆՈՅՅԱՆ ՏԱՊԱՆ: ՉԺՀ պաշտպանական բյուջեն 2009
թվականին կկազմի ավելի քան 480,6 մլրդ յուան (70,7 մլրդ դոլար):
Այս մասին, ինչպես հաղորդում է «Նովոստի» գործակալությունը,
Պեկինում հայտարարել է Ժողովրդական ներկայացուցիչների համաչինական
ժողովի նստաշրջանի պաշտոնական ներկայացուցիչ Լի Չժաոսինը:
«Դա կկազմի այս տարվա ՉԺՀ բյուջեի ընդհանուր ծավալի 6,3%-ը:
Մասնավորապես, մենք մտադիր ենք մեծացնել ռազմական տեխնիկայի
կատարելագործման, անվտանգության ոչ ավանդական այնպիսի
մարտահրավերին զինվորականների պատրաստության, ինչպիսին են
մասշտաբային երկրաշարժները եւ ահաբեկությունը, զինվորների
աշխատավարձի բարձրացման համար կատարվող ծախսերը»,- նկատել է նա:
Ներկայումս Չինաստանի ժողովրդա-ազատագրական բանակի շարքերում
ծառայում է 2,3 միլիոն մարդ: 2008 թվականին չինական պաշտպանական
բյուջեն կազմում էր 58,8 մլրդ դոլար: