ԶԱԳՐԵԲ, 24 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Ավտոմեքենայի պայթյունի հետեւանքով զոհվել են խորվաթական «Նացիոնալ» շաբաթաթերթի գլխավոր խմբագիր Իվո Պուկանիչը եւ մարկետինգի ծառայության ղեկավար Նիկո Ֆրանիչը: Դեպքը տեղի է ունեցել Զագրեբի կենտրոնում ` «Նացիոնալի» խմբագրատան մոտ: Այս մասին հաղորդում է ԻՏԱՌ-ՏԱՍՍ-ը: Ոստիկանությունը շրջափակել է դեպքի վայրը, հանդեսի խմբագրություն է եկել Զագրեբի քաղաքապետ Միլան Բանդիչը: Նախնական տվյալներով, պայթուցիկ սարք է տեղադրված եղել Պուկանիչի ավտոմեքենայում:

---