ՀՐԱԺԱՐԱԿԱՆ Է ՏՎԵԼ ՎԵՆԵՍՈՒԵԼԱՅԻ ՆԵՐՔԻՆ ԳՈՐԾԵՐԻ ԵՎ
ԱՐԴԱՐԱԴԱՏՈՒԹՅԱՆ ՆԱԽԱՐԱՐԸ
09-09-2008 18:40:00 | | Միջազգային
ԿԱՐԱԿԱՍ, 9 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Հրաժարականի դիմում է
ներկայացրել Վենեսուելայի ներքին գործերի եւ արդարադատության
նախարար Ռամոն Ռոդրիգես Չասինը, հաղորդում է ABN լրատվական
գործակալությունը:
«Ես թողնում եմ երկրի ներքին գործերի եւ արդարադատության
նախարարի պաշտոնը անձնական պատճառներով, բայց մնում եմ
հեղափոխության հավատարիմ եւ կարգապահ հետեւորդ»,- հայտարարել է
Ռոդրիգես Չասինը:
Ըստ նրա, Վենեսուելայի նախագահ Ուգո Չավեսն ընդունել է իր
հրաժարականը եւ այդ պաշտոնում նշանակել է քաղաքացիական
անվտանգության նախարարի տեղակալ Թարեք Էլ Աիսսամիին: