ՀՐԱԺԱՐԱԿԱՆ Է ՏՈՒԵԼ ՎԵՆԵՍՈՒԵԼԱՅԻ ՆԵՐՔԻՆ ԳՈՐԾԵՐԻ ԵՎ
ԱՐԴԱՐԱԴԱՏՈՒԹԵԱՆ ՆԱԽԱՐԱՐԸ
09-09-2008 18:40:00 | | Միջազգային
ԿԱՐԱԿԱՍ, 9 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: Հրաժարականի դիմում է
ներկայացրել Վենեսուելայի ներքին գործերի եւ արդարադատութեան
նախարար Ռամոն Ռոդրիգես Չասինը, հաղորդում է ABN լրատուական
գործակալութիւնը:
«Ես թողնում եմ երկրի ներքին գործերի եւ արդարադատութեան
նախարարի պաշտօնը անձնական պատճառներով, բայց մնում եմ
յեղափոխութեան հաւատարիմ եւ կարգապահ հետեւորդ»,- յայտարարել է
Ռոդրիգես Չասինը:
Ըստ նրա, Վենեսուելայի նախագահ Ուգո Չավեսն ընդունել է իր
հրաժարականը եւ այդ պաշտօնում նշանակել է քաղաքացիական
անվտանգութեան նախարարի տեղակալ Թարեք Էլ Աիսսամիին: