ԻՍԼԱՄԱԲԱԴ, 8 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Պակիստանի
Հյուսիսային Վազիրիստանի նահանգում ԱՄՆ ՌՕՈՒ ինքնաթիռների հասցրած
հրթիռային հարվածի հետեւանքով զոհվել է 20 մարդ եւ առնվազն 20-ը
վիրավորվել, հաղորդում է Քաթարի «Ալ-Ջազիրա» հեռուստաալիքը:
Ականատեսների վկայությամբ, երկու անօդաչու ինքնաթիռներ
Աֆղանստանին սահմանամերձ շրջանում գտնվող գյուղի վրա վեց հրթիռ են
արձակել: Հարվածի թիրախ են եղել աֆղանական «Թալիբան» շարժման
ղեկավարներից մեկի` Ջալաուդդին Խագգանիի տունը եւ նրա հիմնած
կրոնական դպրոցը: Սակայն, Խագգանին, որը «Ալ Ղաիդա» ահաբեկչական
ցանցի պարագլուխ Ուսամա բեն Լադենի մերձավոր զինակիցն է, չի
տուժել, քանի որ հրթիռային հարվածի պահին գտնվել է Աֆղանստանում:
Զոհվել է նրա հարազատներից մեկը: