ՓԱՐԻԶ, 22 ՕԳՈՍՏՈՍԻ, ՆՈՅՅԱՆ ՏԱՊԱՆ: Ֆրանսիայի Ֆորտ-դե-Ֆրանս քաղաքի կլինիկա է շտապ փոխադրվել հայտնի դերասան Ժան Ռենոն, հաղորդում են ֆրանսիական ԶԼՄ-ները: Մարտինիկա կղզում գտնվող 60-ամյա Ռենոն ուժեղ ցավեր է զգացել սրտի շրջանում: Դերասանի վիճակը բարելավվել է այն բանից հետո, երբ նա որոշ ժամանակ մնացել է բժիշկների հսկողության տակ: Ինչպես ցույց է տվել հետազոտությունը, խոսքը սրտի լուրջ հիվանդության մասին չէ: Ըստ բժիշկների, դերասանը մոտակա ժամանակները կկարողանա դուրս գրվել հիվանդանոցից:

---