ԵՐԵՎԱՆ, 9 ԱՊՐԻԼԻ, ՆՈՅՅԱՆ ՏԱՊԱՆ: Ապրիլի 9-16-ին Անգլիայի Մանչեստեր քաղաքում կանցկացվի լողի (կարճ ջրի) աշխարհի 9-րդ առաջնությունը: Հայաստանը կներկայացնեն Միքայել Քոլոյանը, որը հանդես կգա ազատ լողաոճի մրցումներում 50, 100 եւ 200 մ մրցատարածությունում, ու Հարություն Հարությունյանը` 50 մետր մրցատարածությունում: Հավաքականի գլխավոր մարզիչն է Միսակ Գաբրիելյանը: Մրցավայր է մեկնել նաեւ Հայաստանի լողի ֆեդերացիայի նախագահ Իգոր Սաֆարյանը: Վերջինը կմասնակցի առաջնության օրերին անցկացվելիք լողի միջազգային ֆեդերացիայի արտահերթ համաժողովին:

---